किरणलाई नेपाल प्रवेशमा रोक, फर्किए अमेरिका

काठमाडौँ । गृह मन्त्रालयले द भ्वाइस अफ नेपाल सिजन ३ का विजेता किरण गजमेरलाई नेपाल प्रवेशमा रोक लगाएको छ । भ्वाइस अफ नेपालको टाइटल जितेर अमेरिका गएका किरण सोमबार नेपाल आएका थिए । सोही क्रममा विमानस्थलको अध्यागमन विभागले नेपाल प्रवेशमा रोक लगाएको हो ।

अमेरिकी नागरिक किरण भ्वाइस अफ नेपालको लागि लामो समय नेपाल बसेका थिए । अमेरिकी नागरिक नेपालमा एक वर्षमा ६ महिना भन्दा बढी नेपाल बस्न नपाउने नियम छ । सोही कारण किरणलाई प्रवेश नदिएको जनाइएको छ । यो वर्ष किरण नेपाल आउन पाउने छैनन् ।

विमानस्थलबाट प्रवेश नपाएपछि उनि अमेरिका फर्किएका छन् ।