झ्याँकुमा ट्याक्टर दुर्घटना हुँदा एकको मृत्यु, तीन जना गम्भिर घाइते

दोलखा । गौरीशंकर गाउँपालिका वडा नम्बर ४ (साविक झ्याँकु ) मा ट्याक्टर दुर्घटना हुँदा एक जना पुरुषको मृत्यु भएको छ । बुधबार वडा कार्यालयबाट सिमेन्ट लोड गर्न जाने क्रममा पाल्दुङपोखरीका लिला खत्रीको मृत्यु भएको हो ।

दुर्घटनामा परी सोही वडाका पछिरी शेर्पा, ङाङछुङगु शेर्पा र छिरिङ शेर्पा घाईते भएका छन् । घाइते छिरिङ शेर्पा र ङाङछुङगु शेर्पाको अवस्था गम्भिर रहेको छ । घाइतेलाई उपचारको लागि सिंगटी अस्पतालमा लगिएको गौरीशंकर गाउँपालिकाका अध्यक्ष स्वयम बहादुर खड्काले जानकारी दिए ।