झ्याँकु घटना : भगाउन खोज्दा प्रेमिकाले गरिन् हत्या

दोलखा । दोलखाको गौरीशंकर गाउँपालिका वडा नम्बर ३ झ्याँकुमा केही समय अगाडि एक युवक मृत अवस्थामा फेला परेका थिए । उक्त युवकको हत्या भएको दोलखा प्रहरीले खुलासा गरेको छ ।

तीन साता अगाडि प्रहरीले यान बहादुर बस्नेतको शव मृत अवस्थामा फेला पारेको थियो । उक्त घटनालाई अनुसन्धान गरिरहेको प्रहरिले युवतीको परिवार सहित ७ जनालाई हत्या आशंकामा पक्राउ गरेर साधपुछ गरिरहेको छ । सोधपुछको क्रममा युवकको हत्या भएको प्रहरीले बिहिबार पत्रकार सम्मेलन गरेर जानकारी दिएको हो ।

युवक मदिरा सेवन गरी युवतीको घरमा प्रवेश गरेर युवतीलाई भगाउन खोजेको थिए । सोही क्रममा युवतीले प्रतिकार गर्दा युवकको मृत्यु भएको प्रहरी अनुसन्धानले जनाएको छ ।