नयाँ सहकारी दर्ता बन्द

काठमाडौँ । बागमती प्रदेश सरकारले नयाँ सहकारी संस्था दर्ता बन्द गर्ने निर्णय गरेको छ । असार ३ गते बसेको प्रदेशको मन्त्रीस्तरीय बैठकले दर्ता बन्द गर्ने निर्णय गरेको हो ।

सरकारले बचत तथा ऋण सहकारी र बहुउद्देश्यीय सहकारीको दर्ता बन्द गरेको हो । तर, बिषयगत सहकारीहरु भने दर्ता हुनेछन् । सहकारी दर्तामा आएका समस्याहरुलाई समाधान गरेपछि दर्ता खुल्न सक्ने सम्भावना रहेको जनाइएको छ ।

हालसम्म बागमती प्रदेशले ३ सय २९ सहकारी संस्था दर्ता गरेको छ । स्थानीय तहको सिफारिसमा सम्पुर्ण कागजपत्र पुरा भएको अवस्थामा सहकारीहरु दर्ता हुँदै आएका थिए ।