प्रतिनिधिसभाको कार्यकाल असोज १ गतेसम्म मात्रै

350 shares

काठमाडौँ । निर्वाचन आयोगले प्रतिनिधि सभाको कार्यकाल असोज १ गतेसम्म मात्रै रहेको जनाएको छ । साथै प्रदेशसभाको कार्यकाल पनि सोहि मितिसम्म रहेको जनाएको हो ।

सरकारले प्रतिनिधिसभा र प्रदेश सभाको कार्यकाल बढाउने विधेयक संसदमा पेस गरेपछि आयोगले निर्वाचन मिति घोषणा भइसकेको र उम्मेदवारको मनोनयन दर्ताका लागिसमेत तयारी भइसकेको अवस्थामा मनोनयन दर्ताको अघिल्लो दिन नै कार्यकाल सकिने स्पष्ट पारेको हो ।

आयोगले ४ मंसिरमा हुने प्रतिनिधि सभा र प्रदेश सभाको समानुपातिकतर्फको उम्मेदवारको बन्दसूची पेस गर्न २ र ३ असोजको मिति तोकेको छ । सो मितिको अघिल्लो दिन अर्थात् १ असोजसम्म मात्रै वर्तमान प्रतिनिधि सभा र प्रदेश सभाको कार्यकाल कायम हुने आयोगको दाबी छ ।

350 shares