साफमा भारत र पाकिस्तान भिड्दै

काठमाडौं । साफ महिला च्याम्पियनसिपमा आज भारत पाकिस्तान एकआपसमा भिड्दैछन् । दशरथ रंगशालामा हिजोदेखि सुरु च्याम्पियनसिपमा आज चिरपरिचित प्रतिद्वन्द्वीहरु खेल्न लागेका हुन् ।

साफ च्याम्पियनसिपमा साविक विजेता भारत र पाकिस्तानको मात्र एकपटक भेट भएको छ । २०१० बंगलादेशमा पहिलो साफको सेमिफाइनलमा पाकिस्तानले भारतलाई ८–० को नतिजामा सुम्पिएको थियो ।

त्यसपछि लगातार तेस्रो साफसम्म सहभागिता जनाएको पाकिस्तानको भेट भारतसँग भएको छैन । चौथो साफबाट सहभागिता नजनाएको पाकिस्तान यो पटक भने बलियो मैदानमा उत्रिएको हो । पाकिस्तान आठ वर्षको लामो अन्तरालपछि अन्तर्राष्ट्रिय प्रतियोगितामा फर्किएको हो ।

दशरथ रंगाशालामा हुनेखेल १ बजे सुरू हुनेछ । मंगलबारदेखि सुरु भएको प्रतियोगिताको पहिलो खेलमा घरेलु टिमले भुटानलाई ४–० को नतिजामा हराएको थियो ।

आजै ५ ः ३० बजे हुने दोस्रो खेलमा बंगलादेश र माल्दिभ्सबीच प्रतिस्पर्धा हुँदैछ ।