‘के घर के डेरा’ को टिजर सार्वजनिक

काठमाडौँ । नेपाली चलचित्र के घर के डेराको टिजर सार्वजनिक भएको छ । बिहिबार फिल्मको निर्माण टिमले टिजर सार्वजनिक गरेको हो ।

टिजरमा काठमाडौँमा घर किन्ने सपना बोकेको दम्पति र भएको घर लुकाउन खोज्ने दम्पतिको कथा देखाइएको छ । सिंगे लामाको कथा रहेको फिल्मलाई दिपेन्द्र के खनालले निर्देशन गरेका छन् ।

कार्तिक ४ गतेदेखि प्रदर्शनमा आउने फिल्ममा दयाहाङ राई, सुरक्षा पन्त, विपिन कार्की, वर्षा राउत लगायतका कलाकारको अभिनय रहेको छ ।