‘दान्भी’ले हलमा पानी भन्न पाएन, शीर्ष गीत बल्ल रिलिज

काठमाडौँ । असार ७ गतेबाट प्रदर्शनमा आएको चलचित्र ‘दान्भी’ एक साता नबित्दै हलबाट उत्रीसकेको छ । पहिलो दिन केहि हलमा अलिअलि व्यापार गरेपनि त्यसपछि फिल्मले दम तोडेको थियो ।

रुपेश तामाङको निर्देशनमा बनेको फिल्ममा पूजा शर्मा मुख्य भूमिकामा थिइन् । फिल्म हलबाट उत्रेपनि फिल्मको शिर्ष गीत सार्वजनिक गरिएको छ । बुढासुब्बा डिजिटलको युट्युब च्यानलबाट फिल्मको शिर्ष गीत सार्वजनिक गरिएको हो।

राजेश पायल राई र समीक्षा दाहालको स्वर रहेको गीतमा नरेश जोगीको शब्द एवं संगीत रहेको छ । ‘दान्भी’मा पुजाको साथमा कुन्साङ बोमजन र किरण श्रेष्ठको अभिनय रहेको थियो ।