‘खुस्मा’को गीतमा प्रेमिल धिरज र उपासना

काठमाडौँ । असोज ३ गतेबाट प्रदर्शनमा आउन लागेको चलचित्र ‘खुस्मा’को पहिलो गीत सार्वजनिक भएको छ । मंगलबार फिल्मको ‘खुशीका फूल बटुलेर’ गीत केन्द्र मोसन पिक्चर्स बाट सार्वजनिक भएको हो ।

राम अविरल विष्टको शब्द रहेको गीतमा एसडी योगीको संगीत रहेको छ । गीतमा योगी र विज्ञानी पराजुलीलले स्वर दिएका छन् । गीतको भिडियोमा फिल्मका मुख्य कलाकार धिरज मगर र उपासना सिंह ठकुरी फिचर्ड छन् । भिडियोमा धिरज र उपासनालाई प्रेमिल भावमा देखाइएको छ ।

अशोक थापा मगरको निर्देशनमा बनेको फिल्ममा द्वन्दकालको समयमा फक्रिएको प्रेम कथालाई प्रस्तुत गरिने जनाइएको छ । एम मिडिया प्रा.ली.को व्यानरमा निर्माण भएको फिल्ममा धिरज र उपासनाको साथमा माओत्से गुरुङ, राज थापा काउचा, विजय सुब्बा, सुजता राई, अरुण मगर, राजु रेग्मी मगर लगायतका कलाकारको अभिनय रहेको छ ।

फिल्ममा अशोक थापा मगरको कथा तथा पटकथा रहेको छ । फिल्मका कार्यकारी निर्माता मोहन राई, वीर बहादुर लामा, चन्द्र भट्टचन, बेटानी मगर र मान बहादुर मगर हुन् ।

फिल्मको छायांकन दीपक श्रेष्ठले गरेका छन् । फिल्मको सम्पादन अशोक थापामगरको रहेको छ भने कोरियोग्राफी सुरेन्द्र राइको रहेको छ ।