जाह्नवी कपूरको ‘उलझ’ को ट्रेलर सार्वजनिक

काठमाडौँ । बलिउड अभिनेत्री जान्हवी कपूर स्टारर फिल्म ‘उलझ’को ट्रेलर सार्वजनि भएको छ । मंगलबार जंगली पिक्चर्समार्फत फिल्मको ट्रेलर सार्वजनिक गरिएको हो ।

ट्रेलरमा एक स्पाइको कथा देखाइएको छ । फिल्मको ट्रेलरमा नेपालका दृश्यहरु पनि समावेश गरिएको छ । फिल्म स्पाइ थ्रिलर जनरामा बनेको अनुमान गर्न सकिन्छ ।

सुधांसु सारियाको निर्देशनमा बनेको फिल्ममा जाह्नवीसँगै गुल्शन देभैह, रोशन मथेउ, राजेश तैलाङ, अदिल हुसेन, जितेन्द्र जोशीलगायतका कलाकारको अभिनय रहेको छ । जान्हवीले एक आईएफएस अफिसरको रोल निभाएकी छन् ।

फिल्म अगस्ट २ देखि प्रदर्शनमा आउने छ ।