यस्तो बन्यो ‘मोदीबेनी’को ट्रेलर (भिडियो)

काठमाडौँ । साउन १८ गतेबाट प्रदर्शनमा आउन लागेको चलचित्र मोदीबेनीको ट्रेलर सार्वजनिक गरिएको छ । बिहीबार एक कार्यक्रमको आयोजना गर्दै निर्माण टिमले ट्रेलर सार्वजनिक गरेको हो ।

शंकर कोइरालाको निर्देशनमा बनेको फिल्ममा मोदीबेनीमा घटेको एक घटनालाई देखाइने छ । ट्रेलर हेर्दा फिल्म सस्पेन्स, थ्रिलर र सामाजिक कथामा बनेको देख्न सकिन्छ । यसअगाडि सार्वजनिक भएको गीतबाट राम्रो प्रशंसा बटुलेको फिल्मको ट्रेलरले दर्शकमा उत्साह थप्ने देखिएको छ ।

फिल्ममा वर्षा सिवाकोटी, प्रवीण खतिवडा, अमर प्रताप श्रेष्ठ, सरोज खनाल, रेजिना उप्रेति, दिलीप केसी, स्नेहा भट्टराई, कमलमणी नेपाल, हिउँवाला गौतम, सुव्रत राज आचार्य लगायतका कलाकारको अभिनय रहेको छ ।

फिल्ममा दिलीप केसीको लगानी रहेको छ । हरि श्रेष्ठ फिल्मका सह– निर्माता हुन् । भरत रेग्मीको सम्पादन रहेको फिल्ममा उत्सव दाहालको छायांकन रहेको छ । फिल्ममा शान भुसाल र एडी योगीको संगीत रहेको छ भने किरण थापाको कोरियोग्राफी छ ।