‘बेहुली फ्रम मेघौली’को ‘उडायो मन’ सार्वजनिक

काठमाडौँ । चलचित्र ‘बेहुली फ्रम मेघौली’को दोश्रो गीत सार्वजनिक भएको छ । फिल्मको पहिलो गीत ‘विहे गर्ने कि नगर्ने’ ले राम्रो प्रतिक्रिया पाएको थियो । यस्तोमा दोश्रो गीत ‘उडायो मन’ सार्वजनिक भएको हो ।

जयन जे वाइवाको शब्द संगीत रहेको गीतमा इन्द्रकला राइको स्वर रहेको छ । गीतको भिडियोमा फिल्मका दुई नायिका स्वस्तिमा खड्का र सिम्रन खड्का फिचर्ड छन् । भिडियोमा स्वस्तिमाले निश्चल बस्नेतलाई पर्खिरहेको देखाइएको छ ।

साजन काफ्ले र आकाश बरालको लेखन तथा निर्देशनमा रहेको फिल्मलाई ब्ल्याक हर्स पिक्चर्स र मेघौली फिल्मसको व्यानरमा निर्माण गरिउको हो । फिल्ममा स्वस्तिमा र निश्चलको लगानी रहेको छ । फिल्मको कार्यकारी निर्माता शंकर पाण्डे हुन् ।

असोजको १७ गतेबाट प्रदर्शनमा आउने फिल्ममा स्वस्तिमा, निश्चल र सिम्रनको साथमा बसुन्धारा भुसाल, विजय बराल, रक्षा थापा, लोकेन्द्र लेखक, सिरु बिष्ट, अमिर गौतम, , शिशिर सिवाकोटी, प्रभाकर शर्मा, लुनिभा तुलाधर, मुकुन्द मैनाली, रामबाबु रेग्मी लगायतका कलाकारको अभिनय रहेको छ ।

फिल्ममा नरेन्द्र मैनालीको छायांकन रहेको छ । निमेष श्रेष्ठको सम्पादन रहेको फिल्ममा कोरियाग्राफी प्रवीण लामा र केविका खत्रीको छ ।