फ्राइडे रिलिज : हलमा ‘ईश्वर’ र ‘ब्ल्याक छायाँ’

काठमाडौँ । फ्राइडे रिलिज अन्तर्गत दुई नेपाली फिल्म हलमा लागेका छन् । हलमा राजु गिरीको ‘ईश्वर’ र आरएल लामा मोक्तानको ‘ब्ल्याक छायाँ’ प्रदर्शनमा आएका हुन् ।

‘ईश्वर’मा अन्तरजातिय प्रेमकथालाई उठाइएको जनाइएको छ । सामाजिक विषयबस्तुलाई लिएर निर्माण गरिएको फिल्मबाट निर्देशक गिरी आशावादी देखिएका छन् । फिल्मबाट अभिनेत्री अनु शाहले पनि कमब्याक गर्दैछिन् । फिल्म सफल हुँदा उनको आगामी यात्रा सहज हुने देखिएको छ । स्

‘ईश्वर’मा ध्रुव थापा, सुनिल थापा, बुद्धि तामाङ, अनु शाह, सबिन बास्तोला, माओत्से गुरुङ, पृथ्वीराज प्रसाई, रविन्द्र झा, कृष्टिना गुरुङ लगायतका कलाकारको अभिनय रहेको छ ।

यस्तै आजबाटै प्रदर्शनमा आएको फिल्म ‘ब्ल्याक छायाँ’मा नीर शाह, सुनील थापा, धिरेन शाक्य, राजेन्द्र खड्गी, सलोन बस्नेत, सुष्मा कार्की, शारदा गिरी लगायतका कलाकारको अभिनय रहेको छ ।