‘रिटिङ रिटिङ नबजाउ बिनायो’ गीतका सर्जक जोशीको निधन

काठमाडौँ । गायक तथा गीतकार लक्ष्मीप्रसाद (एलपी) जोशीको निधन भएको छ । उनको ८८ वर्षको उमेरमा बिहीवार निधन भएको हो ।

बेलुकाको खाना खाएपछि उनी अकस्मात बेहोस भएका थिए । बेहोस जोशीलाई अस्पताल लैजाने क्रममा उनको मृत्यु भएको जनाइएको छ । जोशी लामो समयदेखि मधुमेह रोगबाट पिडित थिए ।

२०१३ सालमा रेडियो नेपालमा पहिलो गीत रेकर्ड गराएका जोशीले सिमित गीतमा काम गरेका छन् । उनको ‘रिटिङ रिटिङ‘ सबैभन्दा हिट गीत हो भने ‘वल्लो खोलो हो पल्लो खोलो कमिलाको गोलो’ गीत श्रोताहरुले रुचाएका थिए ।