‘मोदीवेनी’ले उठाउला त वर्षा शिवाकोटीको करियर ?

काठमाडौँ । अभिनेत्री वर्षा शिवाकोटीले लगभग १० ओटा जति फिल्ममा काम गरिसकिन् । पछिल्लो १० वर्षदेखि नेपाली चलचित्र क्षेत्रमा सक्रिय उनको सम्झनलायक कुनै पात्रहरु छैनन् । जसो तसो काम गरिरहेकी उनको ‘मोदीवेनी’ प्रदर्शनको संघारमा छ ।

‘नाँइ नभन्नु ल २’ बाट चलचित्रमा प्रवेश गरेकी उनको ‘पशुपति प्रसाद’ सफल चलचित्र हो । फिल्ममा उनको छोटो भूमिका थियो । फिल्मको सफलताको श्रेय वर्षाले खासै पाइनन् । त्यसयता पनि उनले निरन्तर फिल्महरु गरिरहेकी छन् । तर, उनका चलचित्रले न दर्शकको मन जित्यो, न उनको पात्रहरुको चर्चा नै भयो ।

संकटग्रस्त रहेको वर्षाको करियरमा यो वर्ष केहि राहत मिल्ने देखिन्छ । उनको यो वर्ष ‘मोदीबेनी’ र ‘छक्का पन्जा ५’ प्रदर्शनमा आउँदैछ । छक्का पन्जा सिरिज हिट हुने अनुमान अहिले देखिनै गरिँदैछ । फिल्ममा स्टारकास्ट र ब्राण्ड भ्यालु पनि महत्वपुर्ण देखिन्छ । तर, वर्षाकै काँधमा रहेको ‘मोदीबेनी’ हिट हुनुपर्ने दबाबमा उनमा देखिन्छ । फिल्ममा स्टारको रुपमा उनिमात्रै छिन् भन्दा फरक नपर्ला ।

वर्षाको जोडिको रुपमा नवनायक अमर प्रताप श्रेष्ठ छन् । फिल्ममा सार्वजनिक प्रचार सामग्रीहरुले दर्शकलाई तान्न नसकिरहेको बेला रिलिजपछि कस्तो होला भन्ने अन्यौल देखिन्छ । फिल्मको सार्वजनिक गीतमा वर्षा र अमरको केमेष्ट्रि भने दर्शकले रुचाएका छन् । ट्रेलर पनि सार्वजनिक भइसकेको छ । तर, दर्शकको मिश्रीत प्रतिक्रिया पाइरहेको छ ट्रेलरले । फिल्म असफल हुँदा वर्षालाई ‘छक्का पन्जा ५’ कै भर पर्नुपर्ने देखिन्छ ।

शंकर कोइरालाको निर्देशनमा बनेको फिल्ममा वर्षा र अमरको साथमा सरोज खनाल, रेजिना उप्रेति, दिलिप केसी, प्रविण खतिवडा, स्नेहा भट्टराई लगायतका कलाकारको अभिनय रहेको छ ।