पल शाह र बेनिशाको ‘कल्ली’ निर्माणको घोषणा

काठमाडौँ । निर्माता किरण नेपालीले नयाँ चलचित्रको घोषणा गरेका छन् । उनले खिर खाने दिनको अवसरमा कल्ली नामक चलचित्र घोषणा गरेका हुन् ।

रेड बर्ड प्रोडक्शन र कस्तूरी प्रोडक्शनको ब्यानरमा निर्माण हुने फिल्मको तीन पोष्टर समेत सार्वजनिक गरिएको छ । पल शाह र बेनिशा हमालको पात्र चिनाउने तीन पोष्टर हेर्दा धार्मिक ग्रन्थहरुसँग जोडेर फिल्म निर्माण हुने अनुमान गर्न सकिन्छ ।

सार्वजनिक पोस्टरमा पललाई एंग्री अवतारमा देखाइएको छ भने बेनिशालाई देविको अवतारमा देखाइएको छ । बेनिशाको पात्र धेरै भिन्न हुने आँकलन गर्न सकिन्छ । उनले हातमा अग्नि बोकेकी छन् ।

फिल्ममा लक्ष्मण सुनारको कथा तथा निर्देशन रहनेछ । सुनार बुलाकी निर्देशन गरेपछि चर्चामा आएका निर्देशक हुन् । पल र बेनिशाले पहिलो पटक एकसाथ काम गर्न लागेको हुन् । फिल्म नयाँ वर्षको अवसरमा चैत्र २९ गतेबाट प्रदर्शनमा आउनेछ ।