प्रदीप र सौगातको फिल्म ‘पिताम्बर’ को बजेट ५ करोड

काठमाडौँ । कृषा चौलागाँइको निर्देशनमा बन्दै गरेको चलचित्र ‘पिताम्बर’को पहिलो चरणको छायांकन भइसकेको छ । दोश्रो चरणको छायांकनको तयारी गरिरहेको टिम हाल वर्कशपमा व्यस्त देखिएको छ ।

भदौ १ गतेबाट दोश्रो चरणको छायांकनमा जाने फिल्मको बजेट सार्वजनिक भएको छ । फिल्मको बजेट ५ करोड हुने बताइएको छ । फिल्ममा सौगात मल्ल, प्रदीप खड्का, आँचल शर्मा, प्रमोद अग्रहरी, अनुप विक्रम शाही, दिव्य देव, सुरक्षा पन्त, कामेश्वर चौरासिया, सुपुष्पा भट्ट, गौरव बिष्ट, विशाल पहारी लगायतका कलाकारको अभिनय रहनेछ ।

प्रदीप भारद्वाजको लेखन रहेको फिल्मलाई केपी फिल्मस्ले पुरुषोत्तम प्रधान फिल्मसँग सहकार्य गरेर तयार गर्न लागेको हो । फिल्ममा विशाल चौलागाईँको लगानी रहेको छ ।