‘रावायण’मा पल शाहको लुक्स यस्तो

काठमाडौँ । चलचित्र ‘रावायण’को एक पोष्टर सार्वजनिक भएको छ । बुधबार पल शाहको पात्र जनाउने पोष्टर सार्वजनिक गरिएको हो ।

पोष्टरमा पलको भिन्न अवतार देखिएको छ । उनि दारीवाला नयाँ लुक्समा देखिएका छन् । उनको गालाभरी दारी छ । पलको आँखाको दुईवटा भाव देखाइएको छ । फिल्ममा पल शाहको डबल रोल छ भन्ने जनाइएको छ । यस्तोमा पोष्टरमा देखाइएको उनको अनुहारको एक पार्टमा एउटा कलर टोन र अर्को भागमा अर्कै कलर टोन राखिएको छ । उनको आँखाको भाव पनि भिन्न देखिएको छ ।

सार्वजनिक पोष्टरले दर्शकमाझ राम्रै चर्चा बटुल्ने देखिन्छ । विशेष गरि चकलेटी रोलहरुमा देखिएका पल, भिन्न खालका पात्रहरुमा काम गर्ने कोशिष गरिरहेको देख्न सकिन्छ ।

भदौ २१ गतेबाट प्रदर्शनमा आउने फिल्मका निर्देशक सुदर्शन थापा हुन् । फिल्ममा पलको साथमा पूजा शर्मा, प्रियंका कार्की, प्रमोद अग्रहरि, निकिता चाण्डक, प्रकाश साह, कैलाश रावल, अर्जुनजंग शाही, शर्मिला मल्ल र प्रदीप ढकाल लगायतको अभिनय छ ।

शुक्रबार फिल्मको टिजर सार्वजनिक गर्ने जनाइएको छ ।