८ वर्षपछि एक्सन फिल्मबाट कमब्याक गर्दै राजेश हमाल

काठमाडौँ । अभिनेता राजेश हमालले फिल्ममा कमब्याक गर्ने पक्का भएको छ । उनले दिवाकर भट्टराईको फिल्मबाट कमब्याक गर्ने भएका हुन् । आइतबार निर्माण पक्ष र हमालबीच लिखित सम्झौता समेत भइसकेको छ ।

पछिल्लो ८ वर्षदेखि हमाल कुनै फिल्ममा देखिएका छैनन् । उनले पछिल्लो पटक ‘शकुन्तला’मा अभिनय गरेका थिए । हमालले एक्सन फिल्मबाट कमब्याक गर्ने भएका हुन् । केहि समययता देखिनै दिवाकरको फिल्ममा काम गर्ने हल्ला चलेपनि सम्झौता हुन सकेको थिएन ।

अब भने दर्शकले हमाललाई ठुलो पर्दामा हेर्न पाउने भएका छन् । फिल्मको नाम तय भइसकेको छैन । एक समय एकछत्र राज गरेका हमाललाई पर्दामा देख्न पाउँदा दर्शक उत्साहित हुन सक्छन् । अधिकांश कलाकारको कमब्याकको इतिहास राम्रो देखिन्न । हमालको हकमा के हुन्छ त्यो भने हेर्न बाँकी नै छ ।

हमाललाई दोश्रो इनिंगसको शुभकामना ।