राजेश हमालको कमब्याक फिल्मको नाम ‘नरसिंहा अवतार’

काठमाडौँ । अभिनेता राजेश हमाले ठुलो पर्दामा कमब्याक गर्दैछन् । उनले दिवाकर भट्टराईको एक्सन फिल्मबाट कमब्याक गर्न लागेका हुन् ।

हमालले कमब्याक गर्ने फिल्मको नाम ‘नरसिंहाः अवतार’ हुने भएको छ । बिहीबार एक थिम पोष्टर सार्वजनिक गर्दै फिल्मको नाम सार्वजनिक गरिएको हो । फिल्ममा चरित्रमा आगो र पानी वा भनौँ युद्ध र शान्तीको कथा देखाइने पोष्टरबाट अनुमान गर्न सकिन्छ ।

क्रिएटिभ सिने आर्ट प्रालिको प्रस्तुतिमा बन्न लागेको फिल्ममा राजेशको साथमा राज कटुवालको अभिनय रहनेछ । फिल्मका अन्य कलाकारको बारेमा भने सार्वजनिक गरिएको छैन । हमाल पछिल्लो पटक सन् २०१६ मा प्रदर्शनमा आएको ‘शकुन्तला’मा देखिएका थिए ।