फ्राइडे रिलिज : हलमा ‘नम्बरी सुन’

काठमाडौँ । फ्राइडे रिलिज अन्तर्गत आजबाट हलमा चलचित्र ‘नम्बरी सुन’ प्रदर्शनमा आएको छ । राजु गिरीको निर्देशनमा तयार भएको फिल्म सुखद् शो सहित प्रदर्शनमा आएको हो ।

फिल्ममा अन्तरजातीय प्रेमकथा देखाइएको छ । सुनारको काम गर्नेको कथा भन्ने फिल्ममा नम्रता सापकोटा र गौरव पहारीको मुख्य भूमिका रहेको छ । अन्तरजातीय सम्बन्धको कारण आउने उतारचढावलाइ फिल्ममा देखाइएको छ । फिल्ममा नम्रता र गौरवको साथमा विनोद न्यौपाने, नारायण खाती, सरोज खनाल लगायतका कलाकारको अभिनय रहेको छ ।