‘रुकुम मैकोट’ गीतमा धिरज र उपासनाको छमछमी

काठमाडौँ । प्रदर्शनको तयारीमा रहेको चलचित्र ‘खुस्मा’को दोश्रो गीत ‘रुकुम मैकोट’ सार्वजनिक भएको छ । आइतबार एक कार्यक्रममाझ गीतको भिडियो सार्वजनिक गरिएको हो ।

सुरेन्द्र रानाको शब्द रहेको गीतमा एसडी योगीको संगीत रहेको छ । गीतमा योगी र शान्तिश्री परियारको स्वर रहेको छ । भिडियोमा धिरज मगर र उपासना सिंह ठकुरी फिचर्ड छन् । डान्सिङ फ्लेवरको गीतमा धिरज र उपासनाले कम्मर मर्काएका छन् ।

अशोक थापामगरको लेखन तथा निर्देशन रहेको फिल्ममा धिरज र उपासनाको साथमा माओत्से गुरुङ, खड्क बहादुर पुन, सुजाता राई, विजय सुब्बा, राज थापा काउचा, अस्तित्व भट्टचन, संगीता थापा मगर लगायतका कलाकारको अभिनय रहेको छ । फिल्ममा वीर बहादुर लामा, चन्द्र बहादुर भट्टचन, मान बहादुर धनाह मगर र बेतान मगरको लगानी छ । फिल्मका सह निर्माता सुस्मिता बुढाथोकी हुन् ।

एम मिडिया प्रालिको ब्यानरमा निर्माण भएको फिल्ममा जनयुद्धको समयमा मगर समुदायको परिवेशमा अंकुराएको प्रेमकथा देखाइएको छ ।