‘बम बहादुर’ कार्तिक ३० बाट रिलिज हुने

काठमाडौँ । सौगात मल्ल स्टारर फिल्म ‘बमबहादुर’को फर्स्टलुक पोष्टर सार्वजनिक गर्दै प्रदर्शन मिति तोकिएको छ । फिल्म कार्तिक ३० गतेबाट प्रदर्शनमा आउने भएको हो ।

सार्वजनिक पोष्टरमा सौगात मल्ललाई फाइटर लुक्समा देखिएको छ । उनि कुनै आर्मि अफिसर जस्तो देखिएका छन् । सस्पेन्स, थ्रिलर, रोमान्स र सामाजिक कथामा बनेको फिल्मलाई जोन राइले निर्देशन गरेका छन् ।
फिल्ममा सौगातको साथमाप्रशान्त राई, अनिशा रसाइली, भास्कर प्रधान, महेन्द्र बग्दास, मदन भुजेल, भरत वशिष्ठ, रिया भुजेल, शान्तिला तामाङ लगायतका कलाकारको अभिनय रहेको छ ।

बिस्ट ब्रदर्स फिल्मस् प्रा.लिको निर्माणमा बनेको फिल्ममा कथा निर्देशक राई र रुपेश तामाङको कथा तथा पटकथा रहेको छ ।