‘सानो संसार’को गीत ‘मग मग फूलबारी’सार्वजनिक (भिडियो)

काठमाडौँ । चलचित्र ‘सानो संसार’को ‘मग मग फूलबारी बसायो’ बोलको गीत सार्वजनिक भएको छ । सोमबार एक कार्यक्रमका माझ फिल्मको गीत सार्वजनिक गरिएको हो ।

राजनराज शिवाकोटीको शब्द तथा संगीत रहेको गीतमा मेलिना राई र शिवाकोटीकै स्वर रहेको छ । विवाहको सेटअपमा तयार पारिएको गीतमा फिल्मका सबै कलाकार फिचर्ड छन् ।

पारिवारिक कथाबस्तुमा निर्माण भएको फिल्मलाई सिद्धार्थ पुडासैनीले निर्देशन गरेका छन् । फिल्मबाट केदार घिमिरे माग्ने बुढाको श्रीमती सीतादेवीले डेब्यु गर्दैछिन् । फिल्ममा सीतादेविको साथमा राज पंगेनी शर्मा, अनु दाहाल, अन्जसा रिजाल तथा शिशिर सिवाकोटी लगायतका कलाकारको अभिनय रहेको छ ।

फिल्मलाई प्रिन्सेस मूभिज र राजधानी मिडियाले संयुक्तरुपमा प्रदर्शन गर्नेछन् । फिल्मको प्रदर्शन असोज ११ गतेलाई तय छ ।