‘सानो संसार’को टिजर : मध्यम वर्गीय परिवारको सकस

काठमाडौँ । एउटा फरक स्वादको चलचित्र ‘सानो संसार’को टिजर सार्वजनिक भएको छ । शुक्रबार फिल्मको टिजर सार्वजनिक भएको हो ।

टिजरमा मध्यम वर्गीय परिवारको कथा देखाइएको छ । परिवारमा आउने समस्या, दैनिकी चलाउन गर्ने संघर्ष र सपनाको उडान टिजरमा देखाइएको छ । टिजरले फरक खालको स्वाद पस्कन खोजेको देखिन्छ । पछिल्लो समय नेपाली चलचित्रमा एकैखालका कथाहरु धेरै देखिइरहेको बेला, यो दर्शकका लागि नयाँ खुराक बन्ने देखिन्छ ।

सिद्धार्थ पुडासैनीको निर्देशनमा बनेको फिल्ममा सीतादेवी तिमल्सेना, राज पंगेनी शर्मा, अनु दाहाल, अन्जसा रिजाल, शिशिर सिवाकोटी, सरिता भण्डारी र जीवन गौतम लगायतका कलाकारको अभिनय रहेको छ । अधिकांश कलाकारको डेब्यु रहेको फिल्मको निर्माता अर्जुन कुमार हुन् । फिल्मका कार्यकारी निर्माता माधव वाग्ले हुन् ।

असोज ११ गतेबाट प्रर्दशनमा आउने फिल्मलाई निर्देशक पुडासैनी र सरिष्मा खत्रीले लेखेका हुन् ।