आँचल शर्मा नेपालको नम्बर १ अभिनेत्री !

काठमाडौँ । अभिनेत्री आँचल शर्माको अभिनय रहेको ‘वर एण्ड वधु’ यतिवेला हलमा लागिरहेको छ । दर्शकको प्रतिक्रिया लिन आँचलसहितका कलाकार हल हलमा पुगीरहेका छन् । फिल्ममा स्टारको रुपमा उनि नै रहेकाले पनि यो दौडधुप ठिकै हो ।

फिल्मले दर्शकको मिश्रीत प्रतिक्रिया पाइरहेको छ । हाउसफुल शोज भएका हलमा पुगेर कलाकारहरु दर्शकको प्रतिक्रिया लिइरहेका छन् । यस्तोमा शनिबार पत्रकारले उनलाई, आँचल शर्मा अहिलेको नेपालको नम्बर १ अभिनेत्री हो ? भनेर प्रश्न गरेका थिए ।

वर्षमा चार पाँचवटा फिल्म, सेड्युल मिलाउन धौ धौ, अफरको लाईन छ, के आँचल अहिलेको नम्बर १ अभिनेत्री हो ?

जवाफमा आँचलले, “मलाई यो पद र अंकले अलिकति मन लाग्दैन । किनभने, हामि मेहनत गर्ने सबै कलाकार नम्बर १ हो जस्तो लाग्छ । सबै कलाकारले उत्तिकै मेहनत गर्नुपर्छ । नम्बर १ को कुरा चाँही दर्शक र मिडियाले भन्दिने कुरा हो (अलिकति हाँसो) ।” भनिन् ।

पत्रकारले गरेको अर्को प्रश्नमा, तपाइँको नजरमा नम्बर १ अभिनेत्री को हो ? भन्नेमा उनले भनिन्, “आफु अंक र पदमा विश्वास नगर्ने र सबै कलाकारको फिल्म चल्दा दर्शकले हुटिंग र माया वर्षाउने गरेको बताइन् । आफु यो नम्बर १, २ भन्दा पनि मेहनत गर्ने हो र सबै मिलेर फिल्म क्षेत्रलाई माथि उठाउने कुरामा विश्वास गर्ने बताइन् ।”