‘कार्साङ्’ मा यस्तो देखिए दयाहाङ

काठमाडौँ । यम शेपाको निर्देशनमा तयार भएको फिल्म ‘कार्साङ्’ को फर्स्टलुक पोस्टर सार्वजनिक भएको छ । मंगलबार फिल्मको पोष्टर सार्वजनिक गर्नुको साथै प्रदर्शन मिति पनि तोकिएको छ ।

पोष्टरमा फिल्मका मुख्य कलाकार दयाहाङ राई र अभिनेत्री सिर्जना निङलेखु फिचर्ड छन् । दयाको नयाँ खालको रुप पोष्टरमा देख्न सकिन्छ । उनि सुरुवाल मात्रै लगाएर आवेगमा देखिन्छन् । छेउमा एकातिर सिर्जना रोइरहेकी छिन्, अर्कोतिर आगो दन्किरहेको छ, आँगनको छेउमा जर्किनबाट पानि पोखिएको छ ।

पुरानो खालको दुइटा घर व्याकग्राण्डमा देखिन्छ । जुन आँगनमा दया र उनि श्रीमती बसेका छन्, त्यो घरमा पुरानो शैलीमा मकै झुण्ड्याएाके देखिन्छ । विम्बात्मक रहेको पोष्टरले पात्रको वर्तमान स्थिति, पारिवारीक आर्थिक अवस्था, सामाजिक परिवेश देखाएको छ ।

शेर्पा समुदायको संस्कृतिमा आधारित भएर निर्देशक शेर्पाले नै फिल्मको कथा लेखेका हुन् । फिल्ममा दयाहाङ र सिर्जनासहित दीया मास्के, जितु नेपाल, बुद्धि तामाङ, सृष्टि गौतम, डोमा ह्योल्मो, प्रेम लोप्चन, सुरवीर पण्डित लगायतका कालकारको को अभिनय छ ।

पुरुषोत्तम प्रधानको लगानी रहेको फिल्मका कार्यकारी निर्माता आङछिरिङ शेर्पा हुन् । फिल्मको सह–निर्माता गोविन्द बोहरा, तथा लाइन प्रोड्युसर वीरेन्द्र शाही हुन् ।