युट्युबमा हरिवंशको ‘महापुरुष’ र पूजाको ‘दान्भी’ रिलिज

काठमाडौँ । तिहारको अबसर पारेर दुई नेपाली फिल्म युट्युबमा रिलिज भएका छन् । बुढासुब्बा डिजिटलमा ‘दान्भी’ र केन्द्र मोशन पिक्चर्समा ‘महापुरुष’ सार्वजनिक भएका हुन् ।

‘महापुरुष’ हलमा सफल चलचित्र हो । प्रदीप भट्टराईको लेखन तथा निर्देशनमा बनेको फिल्मलाई दर्शकले हलमा रुचाएका थिए । यस्तोमा चाडपर्वको अवसरमा युट्युबमा पनि फिल्मलाई दर्शकले रुचाउने अपेक्षा गरिएको छ । फिल्ममा हरिवंश आचार्य, मदनकृष्ण श्रेष्ठ, रविन्द्र सिंह बानिँया, गौरि मल्ल, राजाराम पौडेल लगायतका कलाकारको अभिनय रहेको छ ।

यता एक्सन जनराको ‘दान्भी’ बुढासुब्बा डिजिटलमार्फत सार्वजनिक भएको हो । हलमा सुपरफ्लप भएको फिल्म युट्युबमा भने दर्शकले हेरिरहेका छन् । रुपेश तामाङको निर्देशनमा बनेको फिल्ममा पूजा शर्मा, कुन्साङ बोमजन, किरण श्रेष्ठ, राजाराम पौडेल लगायतका कलाकारको अभिनय रहेको छ ।