सुन तोलामा २९०० ले घट्यो सुन

काठमाडौँ । नेपाली बजारमा सुनको मूल्य ह्वात्तै घटेको छ । तिहारपछि सुनको मूल्य प्रतितोला २९ सय रुपैँयाले घटेको हो ।

गत बिहीबार सुनको मूल्य प्रतितोला १ लाख ७१ हजार १ सय रुपैँया थियो । जुन मूल्य हालसम्मकै उच्च हो । आज मंगलबार बजारमा सुनको मूल्य प्रतितोला १ लाख ६८ हजार २ सय रुपैँया कायम भएको नेपाल सुनचाँदी व्यवसायी महासंघले जनाएको छ ।

बजारमा चाँदीको भाउ पनि तोलामा ६० रुपैयाँ घटेको छ । गत बिहीबार प्रतितोला २०९० रुपैयाँ रहेको चाँदी आज २०३० रुपैयाँ कायम भएको महासंघले जनाएको छ ।