‘पूर्णबहादुरको सारंगी’को पाँच दिनमा कति कमायो ?

काठमाडौं । तिहारको अवसरमा प्रदर्शनमा आएको ‘पूर्णबहादुरको सारंगी’ले घरेलु बक्स अफिसमा राम्रो कलेक्सन गरिरहेको छ । फिल्मले सकरात्मक प्रतिक्रिया पाउँदा व्यापारमा पनि त्यसको असर देखिएको हो ।

फिल्मले ५ दिनमा ४ करोड ८७ लाख ग्रस कलेक्सन गरेको दावि गरिएको छ । यद्यपि यो निर्माण कम्पनीले जारी गरेको डाटा हो ।

१५ कात्तिक देखि प्रदर्शनमा आएको फिल्ममा विजय बरालको अभिनयको चौतर्फि तारिफ भइरहेको छ । दर्शकले बिजयलाई नेचुरल स्टारको उपाधि दिएका छन् । सुरुवाती दिनमा कमजोर व्यापार गरेको फिल्मको वर्ड अफ माउथ बलियो हुँदा त्यसपछिको दिनमा व्यापारमा सुधार आएको हो ।

सरोज पौडेलको निर्देशनमा बनेको फिल्ममा बिजय बराल, अन्जना बराइली, प्रकाश सपूत, मुकुन भुसाल, माओत्से गुरुङ, विनोद न्यौपाने, शंकर आचार्य, बुद्धि तामाङ, देशभक्त खनाल, भोलाराज सापकोटा, अलिसा बास्तोला, श्याम केसी, सरिता शाह लगायतको अभिनय छ । फिल्ममा विनोद पौडेल र प्याट्रिक सुवेदीको लगानी रहेको छ ।