‘पूर्णबहादुरको सारङ्गी’ले ६ दिनमै कमायो ७ करोड

काठमाडौँ । सरोज पौडेलको निर्देशनमा बनेको ‘पूर्णबहादुरको सारंगी’ले बक्सअफिसमा सुनामी नै ल्याएको छ । सूरुवाती दिनमा कमजोर देखिएपनि वर्ड अफ माउथ बलियो हुँदा फिल्मले आक्रमक व्यापार गरेको हो ।

फिल्मले रिलिजको ६ दिनमै ७ करोडबढीको कलेक्सन गरेको निर्माण टिमले जनाएको छ । सोमबारसम्म ४ करोड ८७ लाख ग्रस कलेक्सन गरेको निर्माण टिमले जनाएको थियो । फिल्मले मंगलबारमात्रै २ करोड बढीको कलेक्सन गरेको निर्माण टिमको दावि छ । हाल फिल्मको शोज २ सय भन्दा बढी छन् । हलमा दर्शकको अकुपेन्सी पनि राम्रो छ । अधिकांश शोजहरु हाउसफुल देखिएका छन् ।

मल्टिप्लेक्स चेन क्युएफएक्सले फिल्मलाई सुपरहिटको मान्यता दिइसकेको छ । उच्च शोज, दर्शकको उत्साहजनक उपस्थितिले फिल्मले थुप्रै रेकर्डहरु तोड्ने अनुमान गरिएको छ ।

फिल्ममा विनोद पौडेल र प्याट्रिक सुवेदीको लगानी रहेको छ । विजय बराल, अञ्जना बराइली, प्रकाश सपूत, मुकुन भुसाल, माओत्से गुरुङ, विनोद न्यौपाने, शंकर आचार्य, बुद्धि तामाङ, देशभक्त खनाल, भोलाराज सापकोटा, अलिसा बास्तोला, श्याम केसी, सरिता शाह लगायतको अभिनय छ ।