कस्तो छ ‘ह्रस्व दीर्घ’को ट्रेलर ?

काठमाडौँ । चन्द्र पन्तको निर्देशनमा बनेको चलचित्र ‘ह्रस्व दीर्घ’को ट्रेलर सार्वजनिक भएको छ । काठमाडौँमा एक कार्यक्रमको आयोजना गर्दै फिल्मको ट्रेलर सार्वजनिक गरिएको हो ।

नीता ढुंगानाको निर्माणमा तयार भएको फिल्म निर्माण घोषणासँगै चर्चामा आएको थियो । फिल्ममा दक्षीण भारतका चर्चित कलाकारको अभिनय रहेका कारण पनि चर्चा बढेको हो ।

हरिहर अधिकारीको कथा रहेको फिल्मको ट्रेलर भने ठिकठाक देखिएको छ । बिशेषगरि फिल्मको साउण्ड डिजाइनको प्रशंसा भइरहेको छ । भव्य सेट र एक्सन देखाइएको ट्रेलरमा कलाकारको संवाद भने कमजोर सुनिएको छ ।

एक्सन, रोमान्स, विछोड, कमेडीको समिश्रण गर्न खोजिएको ट्रेलर कमजोर देखिएको छ । आशा गरिएको मल्टिस्टारर फिल्मको ट्रेलरले दर्शकलाई निराश बनाएको छ ।

फिल्ममा हरिहर अधिकारी, नीता ढुंगाना, विपना थापा, मोहमद वली, कविर दुहान, रेखा थापा, सरोज खनाल, संचिता लुइँटेल र दक्षीण भारतका चर्चित कलाकार प्रदीप राउत, ब्रम्मानन्दम, सुनिल वर्मा लगायतका कलाकारको अभिनय रहेको छ ।

फिल्म कार्तिक ३० गतेबाट प्रदर्शनमा आउनेछ ।