कस्तो लाग्यो सौगातको ‘बम बहादुर’को टिजर ?

काठमाडौँ । अभिनेता सौगात मल्ल स्टारर फिल्म ‘बम बहादुर’को टिजर सार्वजनिक भएको छ । फिल्मको टिजर सार्वजनिक गर्दै प्रदर्शन मिति पनि तय गरिएको छ ।

यसअगाडि कार्तिकको ३० गतेलाई प्रदर्शन मिति तोकिएको भएपनि अब फिल्म पौष ५ गतेबाट प्रदर्शनमा आउने भएको हो । फिल्मको टिजरमा दार्जिलिङ पहाड र छिमेकी क्षेत्र डुअर्समा बसोबास गर्ने नेपाली समुदायको संघर्षलाई प्रस्तुत गरिएको छ । फिल्मको कथा ३८ वर्ष अगाडिको रहेको जनाइएको छ ।

जोन राईले निर्देशन गरेको फिल्ममा सौगात मल्ल, प्रशान्त राई, अनिशा रसाइली, भास्कर प्रधान, महेन्द्र बग्दास, मदन भुजेल, भरत वशिष्ठ, अजय प्रधान लगायतका कलाकारको अभिनय छ ।