विपिन र मिरुनाको ‘ऊनको स्वीटर’ बैशाख २६ मा आउने

काठमाडौँ। अभिनेता विपिन कार्की र अभिनेत्री मिरुना मगर स्टारर फिल्म ‘ऊनको स्वीटर’ आगामी बैशाख २६ गतेबाट प्रदर्शनमा आउने भएको छ । सोमबार एक क्यारेक्टर पोस्टर सार्वजनिक गर्दै निर्माण टिमले फिल्मको प्रदर्शन मिति तोकेको हो ।

सार्वजनिक पोस्टरमा मिरुना गुरुङ पहिरनमा देखिएकी छन् । मिरुना र विपिनको अन्तरजातीय विवाह भएको अनुमान लगाउन सकिन्छ । विपिन र मिरुनाको यो दोश्रो सहकार्य हो । यसअगाडि उनिहरुले ‘लालपूर्जा’मा एकसाथ काम गरेका थिए ।

नवीन चौहानको निर्देशनमा बनेको फिल्ममा विपिन र मिरुनाको साथमा सुनिल पोखरेल, माओत्से गुरुङ, विल्सन विक्रम राई, प्रेम सुब्बा, एलेक्स पारस, परीक्षा लिम्बु, सुरज तमू, शारदा देवी सिलवाल लगायतका कलाकारको अभिनय छ ।

फिल्ममा कथा निर्देशक चौहानकै रहेको छ । फिल्मको ‘फूल’ बोलको गीत सार्वजनिक गरिएको थियो, । गीतलाई दर्शकले रुचाएका थिए ।