सद्भावको “शिक्षाका लागि रङ्गमञ्च” अभियानमा पिक प्वाइन्टको नाटक

1.05K shares

काठमाडौँ । रङ्गकर्मी एवं नाटककार राम के एसीको लेखन निर्देशनमा नाटक यशस्वी भवः मञ्चन हुने भएको छ । नाटक यशस्वी भवः यही पुष ३ गतेदेखि मञ्चन हुने भएको हो । उक्त नाटक शिल्पशाला कुञ्ज नाटकघर, थापा गाउँमा पुस ६ गतेसम्म मञ्चन हुनेछ ।

नाटकमा अग्रज, वर्तमान र अनुज गरी तीन पुस्ताबीचको त्रिकोणात्मक सम्बन्धमा तीनै पुस्ताको मनोवैज्ञानिक अन्तर्सम्बन्धको विषयलाई उठान गरेको के।ए।सी।ले बताए । मानिसमा क्षीण हुँदै गईरहेको अध्यात्म ९दृष्टि०सँगै आधुनिकताले आफ्नो आकार र आयातन तीव्र गतिमा वृद्धि गर्दैगर्दा त्यही मानिसहरूले देखाउने नाता सम्बन्धहरूप्रतिको गैर–जिम्मेवारपूर्ण व्यवहार र अभिव्यक्तिले सभ्य समाजको मानचित्र यस्तै हो त ? भन्ने गम्भिर प्रश्न नाटकले उठाउने छ ।

सद्भाव थिएटर नेपालले सुरूवात गरेको शिक्षाका लागि रङ्गमञ्च अभियानलाई निरन्तरता दिँदै यसपटक पिक प्वाइन्ट एडुकेशन नेटवर्क बुढानिलकण्ठसँगको सहकार्यमा नाटक यशस्वी भवः पुसको पहिलो साता मञ्चन गर्ने भएको हो ।

नाटक यशस्वी भवः सद्भाव थिएटर नेपाल र पिक प्वाइन्ट एडुकेशन नेटवर्कको सहकार्यमा निर्माण भएको हो । नाटकमा रेशिका श्रेष्ठ, सद्भावना थापा, मनसुन फुँयाल, मञ्जुरी श्रेष्ठ , एन्जल श्रेष्ठ, सदिक्षा श्रेष्ठ, इरा श्रेष्ठ, अनुष्का श्रेष्ठ, दिपिका श्रेष्ठ, प्रान्तिका श्रेष्ठ, मेलिसा श्रेष्ठ, रवानी श्रेष्ठ र राजन रानामगरको अभिनय रहनेछ ।

चौथो लालाबाला काठमाडौँ अन्तर्राष्ट्रिय बाल नाटक महोत्सव २०८१ मा पहिलो चरणको मञ्चन सक्काएको यस नाटक को दोस्रो चरणमा नियमित मञ्चन हुन लागेको हो। चार दिनसम्म हरेक दिन बिहान ११ बजे र दिउँसो घ बजे गरी दुई सो मञ्चन हुने यस नाटकको अवलोकनको लागि बुकिङ खुल्ला भइसकेको छ। इच्छुक विद्यालयहरू कलेज लगायत अन्य दर्शकहरूको लागि समेत अवलोकन गर्न खुल्ला गरिएको नाटकको टिकट दर ३०० र ५०० रुपैयाँ राखिएको छ।

1.05K shares