महाकालीमा सन्धिमा नदीखोला बेचेका छैनौँ : प्रधानमन्त्री ओली

काठमाडौँ । प्रधानमन्त्री केपी शर्मा ओलीले महाकाली सन्धिमा नदीखोला नबेचेको बताएका छन् । शनिबार मदन जयन्ती समारोहलाई सम्बोधन गर्दै उनले महाकाली सन्धि ठिक रहेको बताएका हुन् ।

कार्यक्रममा प्रधानमन्त्री ओलीले भने, ‘महाकाली परियोजनासम्बन्धी सम्झौता गर्ने पक्षमा अहिले पनि सरकार छ। अहिले कार्यान्वयन गर्ने पक्षमा सबै छन्। निकट भविष्यमा महाकाली सम्झौता कार्यान्वयन गर्दै पञ्चेश्वर सम्झौता पनि कार्यान्वयन गर्छौं। यो गर्न पाउनुपर्छ।’

ओलीले महाकाली सम्झौता अन्तर्गत बिजुली, पानी लिइएको बताए। उनले भने,‘महाकाली सम्झौता ठिक छ। कुनै नदीखोला बेचेका छैनौँ।’

प्रधानमन्त्री ओलीले एमाले राष्ट्रको सार्वभौमसत्ता, भौगोलिक अखण्डता बेच्ने पार्टी नरहेको बताए।