सुनको मूल्य घट्यो

काठमाडौँ । नेपाली बजारमा आज सुनको मूल्य घटेको छ । बजारमा सुन तोलामा १ हजार २ सय रुपैँयाले घटेको हो ।

लगातार बढेर रेकर्ड कायम गरेको सुन आज अलिकति घटेको हो । नेपाल सुनचाँदी व्यवसायी महासङ्घका अनुसार छापावाला सुन १ लाख ४० हजार ६ सय रुपैँयामा कारोबार भइरहेको छ । बजारमा तेजाबी सुन १ लाख ३९ हजार ९ सय रुपैँयामा कारोबार भइरहेको महासङ्घले जनाएको छ ।

यता चाँदीको मूल्य पनि तोलामा ५५ रुपैँयाले घटेर १ हजार ८ सय ८५ रुपैँया कायम भएको छ ।