एकीकृत समाजवादी वैतेश्वर ४ को अध्यक्षमा तारानीधी दाहाल चयन

दोलखा । नेकपा (एकीकृत समाजवादी ) पार्टीको वैतेश्वर गाउँपालिका वडा नम्बर ४ को अध्यक्षमा तारानीधी दाहाल चयन भएका छन् । शनिबार भएको भेलाले दाहालको नेतृत्वमा ३१ सदस्यीय वडा कमिटी चयन गरेको हो ।

हनुमन्तेश्वर क्याम्पसको प्राङगणमा भएको भेलाको अध्यक्षता पदम प्रसाद दाहालले गरेका थिए । भेलामा पार्टीका केन्द्रिय सदस्य गोपाल न्यौपाने र जिल्ला कमिट अध्यक्ष भिम दाहालले मन्तव्य राखेका थिए ।

एमाले विभाजन भएर नयाँ पार्टी बनेको नेकपा (एस) ले संगठन निर्माण तिव्र गतिमा गरिरहेको छ । आजको भेलाले अध्यक्षमा तारानीधी दाहाल, उपाध्यक्षमा इन्द्र प्रसाद न्यौपाने, सचिवमा शंकर दाहाल र उपसचिवमा राजकुमार दाहाललाई चयन गरेको छ ।