पल शाहको ‘रावायन’ लुक्स बाहिरियो

काठमाडौँ । लामो समयदेखि चर्चा र विवादमा रहेको चलचित्र ‘रावायन’को मुख्य पात्र पल शाहको लुक्स बाहिरिएको छ । फिल्मको क्यारेक्टर लुक्स पल आफैँले सार्वजनिक गरेका हुन् ।

फिल्ममा उनको पात्रको नाम ‘राघव’ रहेको छ । सार्वजनिक लुक्समा पलको बिहे भइरहेको छ । उनि बेहुलाको पहिरनमा मण्डपमा बसेको देखिएका छन् । उनको एउटा पात्र यस्तो भएपनि अर्को पात्र कस्तो हुन्छ भन्ने दर्शकलाई कौतुहलता रहेको छ । फिल्ममा पलको डबल रोल रहेको जनाइएको छ ।

फिल्मलाई सुदर्शन थापा प्रोडक्सन र पूजा शर्मा प्रोडक्सनको संयुक्त प्रस्तुतीमा निर्माण गरेको हो । फिल्ममा पलको साथमा पूजा शर्मा, प्रियंका कार्की, प्रमोद अग्रहरी, निकीता चण्डक, प्रकाश शाह, कैलाश रावल, अर्जुन जगं शाही, शर्मिला मल्ल लगायतका कलाकारको अभिनय रहने छ ।

शिवम अधिकारीको लेखन रहेको फिल्म आगामी भदौ २१ गतेबाट प्रदर्शन हुँदैछ ।