‘अखिल आर आर भलिबल कप’भदौ २६ गतेदेखि, विजेतालाई २ लाख

काठमाडौँ । अनेरास्ववियु आर आर क्याम्पस कमिटीले दो दोस्रो ‘अखिल आरआर भलिबल कप–२०८१’ आयोजना गर्ने भएको छ । मंगलबार पत्रकार सम्मेलन गर्दै प्रतियोगिताको दोश्रो संस्करणको घोषणा गरिएको हो ।

प्रतियोगिता भदौ २६ गतेदेखि असोज ३ गतेसम्म चल्ने कमिटीका अध्यक्ष लोकेश खड्काले जानकारी दिए । प्रतियोगितामा देशैभरका क्याम्पस र जिल्ला स्तरका खेल टिमले सहभागिता जनाउन पाउने खड्काले बताए ।

प्रतियोगिताको विजेताले नगद २ लाख रुपैँया पुरस्कार प्राप्त गर्नेछ । दोश्रो हुने टिमले १ लाख रुपैँया र तेश्रो हुने टिमले ५० हजार रुपैँयासहित शिल्ड, मेडल र प्रमाणपत्र प्राप्त गर्नेछन् । इच्छुक टिमले २० हजार रुपैँया शुल्क तिरेर टिम दर्ता गराउन सक्नेछन् ।