‘मुगलान’ को गीत ‘पिन्टु पियारी’ मा प्रभात र स्मारिकाको छमछमी

काठमाडौं । फिल्म ‘मुगलान’को ‘पिन्टु पियारी’ बोलको गीत रिलिज भएको छ । डान्सिङ गीतमा फिल्मका कलाकार प्रभात पाल र स्मारिका ढकाल फिचर्ड छन् ।

रिहान प्रोडक्सनको ब्यानरमा बनेको फिल्मको गीत युना डिजिटल युट्युब च्यानलमार्फत रिलिज भएको हो । गीतमा गायक हरि गिरी विमर्शी र शान्तीश्री परियारले स्वर दिएका छन् । गीतलाई संगीत र शब्द रचना पनि हरिले नै गरेका छन् ।

फिल्ममा श्री शिवांशु, दिनेश डीसी, मोती सुबेदी, रामचन्द्र अधिकारी, राजुराज सोनी, रश्मी भट्ट, जीवन गौतम र सबिन बास्तोलाको अभिनय छ ।

आशिष ढकालको पटकथा तथा निर्देशनमा निर्माण भएको यो फिल्मका निर्माता गोमन सिंह छन् । रीता चौधरीले फिल्ममा लगानी गरेकी छन् ।