सलोन-नम्रताको ‘स्त्री’को प्रदर्शन मिति तोकियो

काठमाडौं । जीवन शाहीको निर्देशनमा बनेको फिल्म ‘स्त्री’ को प्रदर्शन मिति तय भएको छ । फिल्मका निर्माताले आइतबार शीर्षकको लोगो डिजाइन सार्वजनिक गर्दै प्रदर्शन मिति घोषणा गरेका हुन् ।

फिल्म फागुन २९ गतेदेखि देशब्यापी प्रदर्शन हुनेछ । फिल्मलाई समीर राईको निर्माण गरेका हुन् । फिल्ममा किशन अर्यालको पटकथा लेखन छ । फिल्मका सह–निर्मातामा सहदेव विष्ट, प्रमोद भट्टराई प्रतीक, रीता श्रेष्ठ र मञ्जु राजवंशी छन् ।

सामाजिक कथामा तयार भइरहेको यस फिल्ममा प्रमोद अग्रहरी, सलोन बस्नेत, रिस्ता बस्नेत, नम्रता श्रेष्ठ, दिनेश डिसी र दीपाश्री निरौला मुख्य भूमिकामा छन् । बालकलाकार दिप्सन चिलवाल पनि फिल्ममा देखिनेछन् ।