हुनेवाला श्रीमानबारे साम्राज्ञी भन्छिन् – ‘बच्चाको बाबु हुन्, तर विवाहित होइनन्’

काठमाडौं । केहिदिन यता अभिनेत्री साम्राज्ञी राज्यलक्ष्मी शाहको इंगेजमेन्टको खबरले माहोल गर्माएको छ । उनले विशाल खरेलसँग इंगेजमेन्ट गरेकी थिइन् । विशालको पूवप्रेमिकासँगको सम्बन्धमा एक बच्चा भएको खुल्न आएको छ ।

सोहि विषयलाई लिएर विशालकी पूर्व प्रेमिकाले पनि जवाफ दिएकी छन् । यस्तैमा साम्राज्ञीले पनि एक बच्चाका पिता विशालसँग विवाह गर्न लागेकोमा कुनै पनि आत्मग्लानि नभएको बताएकी छन् । बच्चाको बाबु भए पनि विशाल विवाहित नभएको साम्राज्ञीको दाबी छ । इन्स्टाग्राममा एक पोस्ट गर्दै उनले आफूलाई विशालको सन्तान छ भनेर पहिल्यै थाहा भएको स्वीकारोक्ति गरेकी छन् । विशाल पुरानो सम्बन्धबाट अलग भइसकेकाले आफूहरूले इन्गेजमेन्ट गरेको भन्दै उनले कसैको घर नभाँडेको बताइन् ।

विशालले साम्राज्ञीलाई आफ्नो पूर्व प्रेमिकाबाट एक छोरा भएको तर विवाह नभएको बताएका थिए । त्यसैले कहिले र कसरी उनीहरु डिभोर्स भए ? भन्दै साम्राज्ञीले प्रश्न गरेकी छन ।

साम्राज्ञीले आफूलाई विशालकी ‘पूर्वप्रेमिका’ ले ब्ल्याकमेल गर्दै आएको आरोप पनि लगाएकी छन् । अहिले पनि विशालसँग ब्ल्याकमेलिङ गरेर पैसा माग्ने गरेको उनको दाबी छ ।

साम्राज्ञी लेख्छिन्, ‘म उनीसँग कहिल्यै संलग्न भइनँ, तर उनले मलाई धेरै पटक ब्ल्याकमेल गरिन् । उनी अझै पनि विशाललाई थप पैसाको लागि ब्ल्याकमेल गर्छिन् । यो अनवरत शोषण हो । हामीले आफ्नो गोपनीयता चाहेका थियौँ, जसमा मानिसहरू कति सजिलै आफ्नो फोहोर फ्याँकिरहेका छन्। यो विच हन्ट (बोक्सी–शिकार–खेदो) कहिले रोकिने हो ?’