एमालेमा देश र जनताको हितमा ‘चट्टानी अडान राख्ने नेतृत्व’ आवश्यक : पार्वत गुरुङ

काठमाडौं । नेकपा एमालेका पोलिटब्युरो सदस्य पार्वत गुरुङले अहिलेको राजनीतिक परिवेशमा देश र जनताको हितमा ‘चट्टानी अडान राख्न सक्ने नेतृत्व’ आवश्यक भएको बताएका छन् । विधान महाधिवेशनले सर्वसम्मत रूपमा पार्टीका नीति तथा कार्यक्रम अनुमोदन गरेको उल्लेख गर्दै गुरुङले अब नेतृत्व चयन गर्ने क्रममा अडिग, सक्षम र संकटमा राष्ट्र हितको रक्षा गर्न सक्ने व्यक्तित्व रोजिनुपर्ने आवश्यकतामा जोड दिए ।

‘जो सङ्कटका क्षणमा देश र जनताको पक्षमा अटल रूपमा उभिन्छ, उही नेता हो, उही नेतृत्व हो,’ गुरुङले भने, ‘आज राजनीतिक परिस्थितिले त्यही प्रकारको निष्ठावान्, दृढ र जिम्मेवार नेतृत्वको माग गरिरहेको छ।’

गुरुङले पार्टीले आगामी महाधिवेशनबाट वैचारिक स्पष्टता, संगठनात्मक स्थिरता र दीर्घकालीन राजनीतिक दिशासहितको विश्वसनीय नेतृत्व छान्नु पर्न बताए । पार्टीभित्र नीति तथा कार्यक्रम सर्वसम्मतिले पारित हुनु सकारात्मक सन्देश भएको उल्लेख गर्दै उनले अब नेतृत्व चयनको जिम्मेवारी महाधिवेशनले पूरा गर्ने र पार्टी एकताबद्ध भएर अघि बढ् स्पष्ट पारे ।