‘भ्वाइस अफ नेपाल’मा फर्कीए राजु लामा

काठमाडौँ । गायन रियालिटी शो ‘द भ्वाइस अफ नेपाल’ सिजन ६ को कोचको रुपमा राजु लामाको पुनरागमन भएको छ । शोले विहिबार बेलुका पहिलो कोचस्वरुप लामाको नाम घोषणा गरेको हो ।

एक भिडियो सन्देश जारी गर्दै राजुलाई कोचको रुपमा चिनाइएको छ । लामा यसअघि सिजन २, ३ र ४ मा कोच रहिसकेका छन् । पाँचौ सिजनमा उनी देखिएनन् । उनी भ्वाइस किड्सको पहिलो सिजनका कोच पनि थिए ।

सिजन ६ को ब्लाइन्ड अडिसन तिहारलगत्तै सुरु हुने जनाइएको छ । यो रियालिटी शो मंसिर अन्त्यदेखि हिमालय टिभीमा प्रसारण हुनेछ ।