अक्षय कुमारको ‘केसरी २’ ले कति कमायो ?

काठमाडौँ । बलिउड अभिनेता अक्षय कुमारका पछिल्ला केहि फिल्मले बक्सअफिसमा सुखद कमाई गर्न सकेका छैनन् । एक समय लगातार हिट फिल्म दिइरहेका अक्षयको पछिल्ला फिल्महरु बक्सअफिसमा फ्लप भइरहेका छन् ।

यस्तोमा उनको ‘केसरी २’ प्रदर्शनमा आएको छ । फिल्मले सुखद व्यापार गरिरहेको छ । भारतीय सञ्चारमाध्यम नवभारत टाइम्सका अनुसार फिल्मले दुई दिनमा १५ करोड ५० लाख भारू कमाएको छ।

९ करोड ५० लाख भारूमा ओपनिङ गरेको फिल्मले दोस्रो दिन ७ करोड भारू कमाएको हो। फिल्ममा पञ्जाबस्थित जलियांवाला बागमा सन् १९१९ मा १३ अप्रिल भएको हत्याकाण्ड देखाइएको छ।

करण सिंह त्यागी निर्देशित फिल्ममा अक्षयसँगै आर. माधवन, अनन्या पाण्डेलगायत कलाकारको अभिनय छ।