‘द ब्लू लाइट’ पुसमा रिलिज हुने

काठमाडौँ । साइकोलोजिकल थ्रिलर जनरामा बनेको चलचित्र ‘द ब्लू लाइट’ को प्रदर्शन मिति तोकिएको छ । फिल्मको थिम पोस्टर सार्वजनिक गर्दै रिलिज मिति तोकिएको हो । फिल्म पुस १० गतेबाट प्रदर्शनमा आउनेछ ।

सार्वजनिक पोस्टरमा चलचित्रका मुख्य कलाकार महेश त्रिपाठी, अर्पण थापा, बेनिशा हमाल, सृष्टि श्रेष्ठ र आयुशमान देशराज जोशीलाई देख्न सकिन्छ । बलिराम चौहानको निर्देशन रहेको फिल्ममा अर्पण थापा, महेश त्रिपाठी, आयुसमान देशराज जोशी, बेनिशा हमाल, सृष्टि श्रेष्ठ र सुरक्षा इटानी लगायतका कलाकारको अभिनय रहेको छ ।

फिल्मलाई स्काइफल पिक्चर्सको प्रस्तुतीमा निर्माण गरिएको हो ।