‘वर एण्ड बधु’ गीतमा आँचलदेखि कुसुमसम्मको डान्स

काठमाडौँ । मिलन चाम्सको निर्देशनमा बनेको फिल्म ‘वर एण्ड बधु’को नयाँ गीत सार्वजनिक भएको छ । फिल्मको ‘इतिहासमा चर्चा चल्छ’ बोलको गीत सार्वजनिक भएको हो ।

दुई परिवारको दोहोरी जस्तो देखिएको गीतमा बिहेको कुरा रमाइलो तरिकाले गरिएको छ । मुक्ता उदासको शब्द रहेको गीतमा अर्जुन पोखरेलको संगीत रहेको छ भने राजेश पायल राई र मेलिना राइको स्वर रहेको छ ।

गीतको भिडियोमा फिल्मका मुख्य कलाकारहरु आँचल शर्मा, विवेक कर्माचार्य, किरण केसी, विजय लामा, रविन्द्र खड्का, श्रृष्टी खड्का, कुसुम शर्मा, अंशु महर्जन, विजु पार्की र गरिमा शर्मा फिचर्ड छन् ।

फिल्ममा जानुका थापाको लगानी रहेको छ भने अमृत रिजाल कार्यकारी निर्माता हुन् । भदौ १४ गतेबाट प्रदर्शनमा आउने फिल्मको कथा प्रदीप भारद्वाजले लेखेका हुन् ।