अब रोएर फिल्म चलाउँदिन, मेरो साथमा पल शाह छ

काठमाडौँ । अभिनेत्री पूजा शर्माका बयानहरु प्राय विवादीत भइरहन्छन् । उनलाई रोएर फिल्म चलाउन खोज्ने अभिनेत्रीको रुपमा पनि चित्रण गरिने गरिएको छ ।

यस्तोमा शुक्रबार ‘रावायण’को टिजर रिलिजको क्रममा पुजाले अब रोएर फिल्म नचलाउने दावि गरिन् । आफ्नो साथमा पल शाह भएकाले रोएर फिल्म चलाउँदिन भन्ने अभिव्यक्ति दिएकी हुन् । उनलाई गायिका समिक्षा अधिकारीले समेत रोएर फिल्म चलाउने नायिका भनेर कटाक्ष गरेकी थिइन् ।

पुजाकै लगानी रहेको रावायण भाद्र २१ गतेबाट प्रदर्शनमा आउँदैछ । फिल्मको कथा शिवम् अधिकारीले लेखेका हुन् भने सुदर्शन थापाले निर्देशन गरेका हुन् । रावायण निर्माण घोषणासँग विवादै विवादमा मुछिएको थियो । त्यो क्रम निरन्तर चलिरहेकै छ । पछिल्लो पटक वितरकलाई लिएर विवाद उत्पन्न भएको थियो ।