‘रावायण’को दोश्रो पोष्टरले के संकेत गर्छ ?

काठमाडौँ । भदौ २१ गतेबाट प्रदर्शनमा आउन लागेको चलचित्र ‘रावायण’को दोश्रो पोष्टर सार्वजनिक गरिएको छ । शुक्रबार फिल्मको दोश्रो पोष्टर सार्वजनिक भएको हो । पोष्टरमा पल शाह र पूजा शर्मा फिचर्ड छन् ।

यसअगाडि सार्वजनिक पोष्टरमा पल एंग्री अवतारमा देखिएका थिए । दोश्रो पोष्टरमा भने उनि शान्त देखिएका छन् । पूजा भने एंग्री देखिएका छन् । पोष्टरको पछाडिपट्टि लेखिएको स्लोगनले भने दर्शकलाई कौतुहल बनाएको छ ।

व्याकग्राउन्डमा एसिड आक्रमण गर्ने अपराधिलाई कारवाही गर लेखिएको स्लोगनमा धेरैको ध्यान गएको छ । फिल्मको कथा एसिड आक्रमण सम्बन्धी रहेको भनेर धेरैले अड्कल गरेका छन् । एक्सनले भरिएको टिजरमा डायलग थिएन । पोष्टरले भने फिल्मको कथा यस्तो हुन सक्छ भन्ने संकेत गरेको छ ।

सुदर्शन थापाको निर्देशनमा बनेको फिल्ममा पल र पुजाको साथमा प्रमोद अग्रहरी, प्रियंका कार्की, निकिता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल लगायतका कलाकारको अभिनय रहेको छ । फिल्मलाई दर्शन थापा प्रोडक्शन र पूजा शर्मा प्रोडक्शनको ब्यानरमा निर्माण गरिएको हो । फिल्ममा पूजा शर्माको लगानी रहेको छ भने कार्यकारी निर्माता सुशन पाठक हुन् ।